Кыргызстандыктар 20-августтан тарта Мальдивге визасыз уча алат

Кыргызстандыктар эртең, 20-августтан тарта Мальдивге визасыз уча алат. Бул тууралуу Тышкы иштер министрлигинен билдирди.

Маалыматка караганда, былтыр 23-сентябрда Нью-Йорк шаарында кол коюлган Министрлер кабинети менен Мальдив өкмөтүнүн ортосундагы визалык талаптардан өз ара бошотуу жөнүндө макулдашуу 20-августта күчүнө кирет.

"Макулдашууга ылайык Кыргызстандын жана Мальдив Республикасынын – паспортторунун бардык типтеринин ээлери (жалпы жарандык, дипломаттык жана кызматтык/расмий паспорттору) 30 күнгө чейин эки өлкөнүн аймактарына кирүүдө, андан чыгууда жана убактылуу жашап турууда визалык талаптардан бошотулат", - деп айтылат билдирүүдө.

Автор: Бек Оморбеков