Түндө Арашанда параплан менен учкан адам кулаган. Ал бүгүн куткарылды

Арашан капчыгайына параплан менен кулаган орус жараны куткарылды. Бул тууралуу Өзгөчө кырдаалдар министрлигинен билдиришти.

Ага ылайык, кечээ, 20-август күнү саат 23:55те К.П. аттуу 48 жаштагы жаран параплан менен учуп, Аламүдүн районунун Арашан капчыгайында кулаганы тууралуу маалымат 112 кызматына түшкөн.

Жерине издеп-куткаруу иштерине ӨКМнын Чүй облустук башкармалыгынын офицери Улан Абдраимовдун жетекчилиги менен Аламүдүн райондук ӨКБдан 4 куткаруучу чыккан.

Бүгүн, 21-август күнү Орусиянын жабыркаган жаранын тоодон алып түшүп, "Тез жардам" кызматкерлерине өткөрүп берилди.

Автор: Каныкей Амантаева
Фото: Өзгөчө кырдаалдар министрлигинин басма сөз кызматы