Кыргыз аскерлери Беларуста өтө турган "Күжүрмөн боордоштук – 2023" аталышындагы машыгууга катышуу үчүн Беларуска барышты. Бул тууралуу Коргоо министрлиги маалымдады.
Кыргыз аскерлери отурган учак Беларустагы 54804 аскер бөлүгүнүн аэродромуна конду.
Эске сала кетсек, 1-6-сентябрь күндөрү Беларуста Жамааттык коопсуздук келишим уюмуна мүчө мамлекеттердин машыгуулары өтөт.