Сурдо спорттук күрөшү боюнча курама команда Дүйнө чемпиондугунда 2 медаль жеңди

Дүйнө чемпиондугунда сурдо спорттук күрөшү боюнча жаштар курама командасы 2 медаль жеңди. Бул тууралуу бүгүн, 5-сентябрда Дене тарбия жана спорт департаментинен билдиришти.

Маалыматка ылайык, сурдо грек-рим күрөшү боюнча жаштар курама командасы Каба уулу Кожомкул атындагы спорт ордосунда өтүп жаткан Дүйнө чемпиондугунда 1 алтын жана 1 күмүш жеңди.

60 килограммга чейинки салмакта Абдрасул Исмаилов алтын медаль тагынды. Ал эми Сыймык Чолпонбек уулу 67 килограммга чейинки салмак категориясында күмүш медалга ээ болду.

Автор: Каныкей Амантаева