UFC: Валентина Шевченко Ташиев менен Жамгырчиевге ыраазычылыгын билдирди

UFC мушкери Валентина Шевченко Грассо менен болгон беттешинен кийин Жогорку Кеңештин депутаттары Эмил Жамгырчиев менен Шаирбек Ташиевге ыраазычылыгын билдирди.

"Менин Пенсильвания, Чикагодогу кымбаттуу мекендештериме, ошондой эле Жогорку Кеңештин депутаттары Шаирбек Ташиев менен Эмил Жамгырчиевге мени колдоо үчүн учуп келгенине рахмат", - деп жазды социалдык тармактагы баракчасына Шевченко.

17-сентябрда Валентина Шевченко мексикалык Алекса Грассо менен реваншка чыгып, ал тең чыгуу менен аяктады. Мунун негизинде чемпиондук титул кайрадан мексикалык Грассодо калды.

Жеңил салмак категориясында беттешке чыккан мушкерлер акыркы жолу ушул жылдын март айында күч сынашкан. Анда Грассо Шевченкону муунтуу ыкмасы менен жеңип алган. Бул кыргызстандык мушкердин 2017-жылдан бери биринчи жеңилүүсү болгон.

Шевченко бул жолу чемпиондук титулун кайрып алуу үчүн реваншка чыккан. Ал эми Грассо алгачкы ирет чемпиондук титулун коргоду.

Автор: Азат Бейшенбеков