Алымкадыр Бейшеналиев Камчы Көлбаевди кармоо болуп жаткан жерге эмнеге барганын айтты

Саламаттык сактоо министри Алымкадыр Бейшеналиев Камчы Көлбаевди кармоо операциясына барганы тууралуу маалыматты SUPER.KG порталына тастыктады.

Министр менен байланышканыбызда, ал жерге "Тез жардам" кызматтарын камсыздоо үчүн барганын билдирди.

"Мен ал жерге "Тез жардам" кызматтарын камсыздаш үчүн эле баргам. Бирок ал жерден тез эле кетип калдым. Ал эми каза болгондор жана жабыркагандар тууралуу маалыматым жок", - деди министр.

Буга чейин интернет тармагында крим төбөл Камчыбек Асанбекти кармоо операциясы Бишкектин Ибраимов-Кулатов көчөлөрүнүн кесилишиндеги "Учкун" басмаканасынын аймагында жүргүзүлүп жатат деген маалымат тараган.

Автор: Гүлкайыр Абдиманнап кызы