УЕФА Израилдеги беттештер боюнча чечим кабыл алды

УЕФА уюму алдыдагы апта ичинде Израилде өтө турган бардык оюндарды кийинкиге жылдырды.

Кийинкиге калтырылган оюнга "Евро-2024" турнирине тандоо турунун алкагындагы Израиль менен Швейцария курама командаларынын беттеши кирет. Бул оюн 12-октябрда Израилде өтмөк.

УЕФА пресс-релизинде кырдаалды эске алуу менен Израиль курама командасынын 15-октябрда конокто боло турган Косового каршы оюну дагы жылдырылышы мүмкүн экенин эскертти. Бул маселе боюнча чечим жакын арада кабыл алынат.

Израиль курама командасы азыр "Евро-2024" турнирине тандоо оюндарында өз тайпасында үчүнчү орунда келе жатат.

Автор: Азат Бейшенбеков