Бишкекте №7, 8 троллейбустардын каттамы убактылуу өзгөрдү

Бүгүн, 9-октябрда Бишкекте №7 жана №8 троллейбустук каттамдардын кыймылы убактылуу өзгөртүлдү. Бул тууралуу калаа мэриясынын маалымат кызматынан билдиришти.

Кабарлангандай, өзгөртүүлөр №18 көмөкчордондун фидердик өчүргүчтөрү белгисиз себептерден улам иштен чыккандыгына байланыштуу орун алды.

Кырсык жоюлганга чейин троллейбустук каттамдар убактылуу кыскартылды:

- №8 маршруттук каттам Чыгыш автобекетинен Тимур Фрунзе жана Гагарин көчөлөрүнүн кесилишине чейин;
- №7 маршруттук каттам – Тунгуч кичи районунан – Москва жана Ю.Фучик көчөлөрүнүн кесилишине чейин.

Автор: Максуда Кудайбердиева