Борбор калаада троллейбустар штаттык режимде иштей баштады

Бишкекте троллейбустар штаттык режимде иштей баштады. Бул тууралуу бүгүн, 27-октябрда "Бишкек троллейбус" башкармалыгынан билдиришти.

Кабарлангандай, троллейбустар бүгүн саат 11:00дөн тарта жүргүнчүлөрдү ташый баштаган.

Эске сала кетсек, бир нече күн катары менен троллейбустардын иши убактылуу токтотулган. 26-октябрда болсо бир күн бою жүргөн жок. Мындай чара 26-27-октябрь күндөрү Бишкек шаарында ШКУга мүчө мамлекеттердин Улуттук координаторлор кеңешинин кезектеги жыйыны өткөндүгүнө байланыштуу болгон.

Автор: Максуда Кудайбердиева
Фото: Гүлкайыр Абдиманнап кызы