Бишкекте көп кабаттуу үйлөргө 31-октябрдан тарта жылуулук бериле баштайт. Бул тууралуу бүгүн, 28-октябрда Бишкек мэриясынан билдиришти.
Маалыматка караганда, абанын сырткы температурасына ылайык штаб тарабынан борбор калаада жылытуу сезонун 31-октябрда баштоо чечими кабыл алынган.
Тиешелүү буйрукка калаа башчы Эмилбек Абдыкадыров кол койду.
Белгилей кетсек, объектилерди туташтыруу бир нече күнгө созулат.
- биринчи кезекте-ооруканалар, бала бакчалар, мектептер, төрөт үйлөрү жана социалдык коргоо мекемелерине;
- экинчи кезекте объекттин кышкы шарттарда пайдаланууга даярдыгы жөнүндө актысы бар турак жайларга, өнөр жай ишканаларына жана мекемелерине бериле баштайт.