Ушул жылдын тогуз айында расмий жумушсуздардын жалпы саны 2022-жылдын ушул мезгилине салыштырмалуу 6,2 пайызга кыскарган. Бул тууралуу Эмгек, социалдык камсыздоо жана миграция министрлигинен билдиришти.
Маалымдалгандай, жалпы жумушсуздуктун деңгээли 0,4 пайызга төмөндөгөн.
Ага ылайык, жумушсуздуктун эң төмөнкү деңгээли Бишкек шаарында жана Чүй облусунда, ал эми эң жогорку деңгээли Баткен жана Жалал-Абад облустарында сакталууда.
"Жыл башынан бери ишке орноштуруу кызматтарына 119,6 миң адам кайрылып, дээрлик 70% Эмгек жана иш менен камсыз кылуу мыйзамдары, кесип тандоо боюнча кесиптик жана кайра окутуу мүмкүнчүлүктөрү боюнча кеңештерди алышкан", — деп айтылат маалыматта.