Келерки жылы Бишкекте 10 миң светодиоддук лампалар орнотулат

Бишкекте 2024-жылга өндүрүштүк программаны пландаштыруунун алкагында 10 миң светодиоддук лампалар орнотулат. Бул тууралуу калаа мэриясынын маалымат кызматынан билдиришти.

Кабарлангандай, "Бишкекжарык" муниципалдык ишканасы чырактарды алмаштыруу менен бирге 120 чакырым узундуктагы электр чубалгыларын (электр линияларын) СИП зымдарына (өзүн көтөрүүчү изоляцияланган зым) алмаштыруу иштерин жүргүзүүнү пландоодо.

Мындан тышкары, аянттарда жана сейил бактарда жаңы тышкы жарыктандыруу тармактарын куруу, ошондой эле жөө адамдар өтүүчү өтмөктөрдү жарыктандыруу пландаштырылууда.

Автор: Максуда Кудайбердиева