Ажылык–2024: Кыргызстандык зыяратчылар үчүн 6 миң 60 квота бөлүндү

Сауд Аравиясы 2024-жылы ажыга барууну каалаган кыргызстандыктар үчүн 6 миң 60 орун бөлдү. Бул тууралуу бүгүн, 3-ноябрда Муфтияттан билдирди.

Маалыматка ылайык, 2024-жылдагы ажылыкты уюштуруу штабынын төрагасы Самидин кары Атабаев, КМДБнын ажылык-умра бөлүмүнүн башчысы Жолдошбек ажы Абдылдаев жана КМДБнын ажылык-умра бөлүмүнүн адиси Дастан ажы Нукунов Сауд Арабия Падышачылыгынын ажылык министрлигинин алдындагы ажылыкты уюштуруу башкы башкармалыгынын директору Бадир Ал-Сулами менен жолугушту.

Анда тараптар 2024-жылдагы ажылыкты уюштуруу, жаңы талаптар, мыйзамдар жана эрежелер боюнча пикир алышты.

Автор: Бек Оморбеков
Фото: Интернеттен алынды