"Эки айдан бери дайынсыз болуп жаткан. Бишкекте 20 жаштагы кыздын сөөгү табылды

Бишкекте эки айдан ашык убакыттан бери дайынсыз болуп изделип жаткан В.Д. аттуу кыздын сөөгү табылды. Бул туурасында Октябрь РИИБинин маалыматында айтылат.

Маалым болгондой, ал ушул жылдын 31-августунда 7-кичи районундагы үйүнөн чыгып кеткен боюнча кайра кайтып келген эмес.

Ал эми 4-ноябрда милицияга шаардагы Ботаникалык бакчада кыздын жансыз денеси жатканы тууралуу маалымат түшкөн.

Алдын ала маалыматтарга караганда, ал өзүн-өзүн өлтүргөн. Окуя болгон жерге барган милиция кызматкерлери анын денесинен кыйноонун белгилерин тапкан эмес.

Кыздын өлүмүнүн себебин аныктоо үчүн тергөө иштери башталып, соттук-медициналык экспертизалар дайындалган.

Автор: Максуда Кудайбердиева