"Манас" эл аралык аэропорту Бишкек-Ченду каттамын ачат

"Манас" эл аралык аэропорту Бишкек-Ченду багыты боюнча жаңы каттамды ачууда. Бул тууралуу "Манас" эл аралык аэропортунун маалымат кызматы билдирди.

Маалымдалгандай, 12-декабрда "МЭА" ААК Бишкек – Чэнду багыты боюнча жаңы каттамды ачууда. Учуулар кытайлык Loong Air авиакомпаниясынын учактары менен аткарылат.

"Учурда бул авиакомпания Бишкектен Кытайдын Сиань шаарына каттамдарды аткарууда. Чэнду шаарына каттамдар жумасына эки жолу - шейшемби жана ишемби күндөрү 12-декабрдан 30-мартка чейин аткарылмакчы", - деп айтылат маалыматта.

Автор: Айзада Кыдырмышева