Таласта курулганына бир нече күн гана болгон балдар аянтчасын талкалап кетишти (фото)

Талас шаарында мындан бир нече күн мурун курулган балдар аянтчасын бузушуп, айрым жабдыктарын көтөрүп кетишкен. Бул тууралуу Талас шаарынын мэриясынан кабарлашты.

"А.Огомбаев көчөсүндөгү №105 көп кабаттуу үйдүн короосуна балдар ойноочу аянтча курулган.

Тилекке каршы аталган аянтчанын балдарга ылайыкталган отургучтары белгисиз кайдыгер жарандар тарабынан бүлдүрүлүп, айрым жабдыктары түп орду менен жулунуп кеткен", - деп билдиришти мэриядан.

Талас шаарынын мэриясы шаардыктардан атайын балдарга арналып жасалган балдар аянтчасына аяр мамиле кылууга, девианттык жүрүм-турумдардан оолак болууга, бар нерсени барктоого чакырды.

Анткени балдар ойноочу аянтча чоңдор үчүн эмес атайын балдардын көңүлүн көтөрүү, балдарга жакшы маанай тартуулоо максатында курулган.

Автор: Азат Бейшенбеков