Эртең, 17-ноябрда Бишкекте саат 8:30да жолдор жабылып, бардык троллейбус каттамдары убактылуу токтотулат. Бул тууралуу бүгүн, 16-ноябрда "Бишкек троллейбус башкармалыгынан" билдиришти.
Маалым болгондой, мындай чаралар КМШга мүчө мамлекеттердин Парламенттер аралык ассамблеясынын күзгү сессиясын өткөрүүгө байланыштуу.
Жолдордун ачылышы жана жабылышы тууралуу алдын ала маалымат берилет.
Бишкек шаардык мэриясы шаардыктардан келтирилген ыңгайсыздыктар үчүн кечирим сурады.