Ысык-Көлдө үйүнөн чыгып кеткен жаран изделүүдө

Түп айылынын 78 жаштагы Ж.Ж. аттуу тургуну 17-ноябрда үйүнөн чыгып кетип, кайра кайтып келбегендигине байланыштуу жакындары 19-ноябрь күнү райондук ӨКБга кайрылышкан. Бул тууралуу бүгүн, 20-ноябрда Өзгөчө кырдаалдар министрлигинен билдиришти.

Маалыматка караганда, издөө иштерин жүргүзүүгө ӨКМдан 13 куткаруучу, ИИМден 10 жана жергиликтүү тургундардан 16 адам тартылып, Түп суусунан жана жээктеринен издешкен.

"Бүгүн, 20-ноябрда кайрадан издөө иштерине жергиликтүү тургундар жана ИИБнын кызматкерлери менен биргеликте ӨКБдан 8 куткаруучу чыгышты",- деп билдиришти мекемеден.

Автор: Кылымбек Бейшеев