Чүйдө бир жумада 4 миңден ашык жол эрежеси бузулду

Чүй облусунун аймагында бир жума ичинде 4 миң 411 жол эрежелерин бузуу фактылары аныкталды. Бул тууралуу бүгүн, 20-ноябрда Чүй ОИИББи боюнча ЖКККБдан маалымдашты.

Маалыматка ылайык, Чүй облусунун жол кыймылынын коопсуздугун камсыздоо башкармалыгы тарабынан 10-ноябрдан 17-ноябрга чейин 4 миң 411 жол эрежелерин бузуу фактылары аныкталды.

Алардын ичинен:

- тийиштүү документтери жок транспорт каражаттарын башкаруу - 41;

- мас абалында авто транспорт каражатын башкаруу - 60;

- автоунаанын терезелерин мыйзамсыз караңгылатуу - 2;

- транспорт каражаттарынын эксплуатациялоо эрежелерин бузуу-20;

- белгиленген ылдамдыктан ашуу- 2131;

- башка унааларга тоскоолдук жаратуу жана жол белгилерге баш ийбөө-1257;

- башка жол эрежелерин бузуу фактылары – 385;

- “Авто Ураган” атайын аппарттык комплекси унааны каттоо тартиби чектелген, тергөө жана сот тарабынан чектөө киргизилген 30 унаа аныктады.

- ар кандай жол эрежелерин бузгандыгы үчүн 178 авто унаа убактылуу токтотуучу айып короо жайына токтотулган.

Маалыматта ЖКККБнын кызматкерлери, айдоочулардан жол кыймылынын коопсуздугунун эрежелерин так сактоого чакырды.