"Бишкекасфальтсервистин" кызматкерлери чуулгандуу видеодон кийин иштен алынды

Бишкек мэриясынын алдындагы "Бишкекасфальтсервис" муниципиалдык ишканасынын кызматкерлери эмгек тартибин бузгандыгы үчүн иштен алынды. Бул тууралуу аталган ишканадан билдиришти.

Буга чейин социалдык тармактарда бир топ адамдар жумуш ордунда спирт ичимдиктерин ичип отурган видео тараган. Анда аял күйөөсүн урушкан. Аялдын айтымында, күйөөсү үйүнө барбай жүргөн. Бул видео кызуу талкууга алынган.

Жыйынтыгында ишкана төмөнкү кызматтарды ээлеген кызматкерлер бошотулганын билдирди:

Энергетика инженери;

пландоо-экономика бөлүмүнүн начальниги;

башкы бухгалтер;

диспетчер.

Автор: Азат Бейшенбеков