Ысык-Көлдө айыл чарбасын өнүктүрүү боюнча жыйын өттү

Бүгүн, 20-ноябрда Караколдо айыл чарбасын өнүктүрүү боюнча жыйын өттү. Бул тууралуу Ысык-Көл облустук администрциясынын басма сөз кызматы билдирди.

Маалыматка караганда, президенттин Ысык-Көл облусундагы ыйгарым укуктуу өкүлү Эмилбек Абдыкадыров менен айыл чарба министри Аскарбек Жаныбеков биргелешкен жыйын өткөрүштү.

"Жыйындын жүрүшүндө облустун айыл чарбасын өнүктүрүүнүн стратегиялары жана приоритеттери талкууланып, айыл чарба тармагын колдоо жана анын натыйжалуулугун жогорулатуу боюнча бтргелешкен аракеттердин зарылдыгына көңүл бурулду", - деп айтылат маалыматта.

Автор: Кылымбек Бейшеев