Бүгүн, 21-ноябрда Кытай менен чек арадагы "Торугарт автодорожный" өткөрмө бекети убактылуу жабылат. Бул тууралуу УКМКнын Чек ара кызматы билдирди.
Өткөрмө бекет тышкы миграцияны каттоонун бирдиктүү тутумунун жаңыланганына байланыштуу саат 15:30дан 17:00гө чейин жабылат. Анда адамдарды, транспорт каражаттарын жана жүктөрдү өткөрүү убактылуу токтотулат.
Кечээ, 20-ноябрда дагы Казакстан менен чек арадагы "Чалдыбар-автожол" көзөмөл-өткөрүү пунктунда адамдарды, транспорт каражаттарын жана жүк ташуучу унааларды өткөрүү убактылуу токтотулган.