Арча-Бешиктен табылган ымыркайдан Ленин районунун акими кабар алды

Ленин районунун акими Арча-Бешиктен табылган ымыркайга барды. Бул тууралуу маалыматты Бишкек шаардык мэриясы таратты.

Кабарлангандай, Ленин районунун акими Жыргалбек Шакиев Арча-Бешик конушунан табылган ымыркайдын абалын билүү үчүн №2 төрөт үйүнө барып, дарыгерлер менен сүйлөштү.

Ошондой эле аким администрация тарабынан бардык керектүү жардамдар берилерин белгиледи.

Азыркы учурда баланын абалы туруктуу жана ага тийиштүү кам көрүлүп жатат.

Эскерте кетсек, ымыркай 19-ноябрь күнү Кара-Кужур көчөсүндөгү жеке үйдүн тосмосунун жанынан табылган, ал желим баштыкка оролгон кутуда болгон.

Автор: Кылымбек Бейшеев