Бишкекте 15 миң сом турган велосипедди уурдаган жаран кармалды

Бишкекте 15 миң сом турган велосипедди уурдаган адам кармалды. Бул тууралу Ленин райондук ички иштер башкармалыгынан билдиришти.

Маалыматка ылайык, ушул жылдын 16-ноябрында Бишкек шаарынын Ленин РИИБине А.Ж. аттуу жаран арыз менен кайрылып, ошол эле күнү саат 16:45 чамасында белгисиз адамга Байтик Баатыр көчөсүндө жайгашкан коомдук тамактануу жайлардын биринин жанынан 15 миң сом турган GELDA үлгүсүндөгү велосипедин уурдатканын айткан.

Аталган факты боюнча Кылмыш-жаза кодексинин 205 (уурдоо) беренесине ылайык кылмыш иши козголгон.

Тергөө жана ыкчам издөө иш-чараларынын жүрүшүндө 1998-жылы туулган М.Э. аттуу шектүү кармалып, Бишкек шаардык ички иштер башкармалыгынын убактылуу кармоочу жайына киргизилген.

Ошондой эле тергөөнүн жүрүшүндө кылмышка шектүү адам милиция кызматкерлерине уурдалган велосипедди кайтарып берген.

Автор: Кылымбек Бейшеев