Кураш боюнча курама команда Дүйнө чемпиондугунда байгелүү орундарды ээлешти

Кыргызстандын кураш боюнча курама командасынын мүчөлөрү Бекболот Токтогонов жана Жамалбек Асылбек уулу Ташкент шаарында (Өзбекстан) өткөн “World Series Masters” Дүйнө чемпиондугунда байгелүү орундарга ээ болушту. Бул тууралуу бүгүн, 24-ноябрда Дене тарбия жана спорт департаментинен билдиришти.

Маалымдалгандай, +100 килограммга чейинки салмакта Бекболот Токтогонов күмүш медалга ээ болсо, 90 килограммга чейинки салмакта Жамалбек Асылбек уулу коло медаль тагынды.

Белгилей кетсек, кураш боюнча “World Series Masters” Дүйнө чемпиондугу 22-ноябрь күнү өтүп, жеңүүчөргө тиешелүү даражадагы диплом, медаль жана акчалай сыйлык тапшырылды. 1-орунга 10 миң доллар тапшырылса, 2-орунга 5 миң доллар жана 3-орун 1000 доллар акчалай сыйлык ыйгарылды.

Автор: Айзада Кыдырмышева