Бүгүн, 27-ноябрь күнү Бишкек шаарындагы №33 гимназия-мектебинин окуучулары менен мугалимдери мектепте бомба бар деген маалыматтан улам эвакуацияланды. Бул тууралуу Свердлов РИИБинен билдиришти.
Маалыматка ылайык, саат 12:19 чамасында милициянын 102 кызматына №33 мектеп-гимназиясынын имаратына бомба коюлгандыгы тууралуу маалымат түшкөн. Окуя болгон жерге милиция кызматкерлери дароо жетип барып, имарат курчоого алынган.
Учурда жеринде ИИМдин кинологдору иштеп жатат.