Нурдан Орунтаев Ошто мыйзамсыз деп табылган тамактануучу жайды буздурду (видео)

Мамлекеттик курулуш агенттигинин директору Нурдан Орунтаев Ош облусуна болгон иш сапарынын алкагында курулуш тармагында бир катар мыйзам бузууларды аныктап, жеринен чаралар көрүлдү. Бул тууралуу бүгүн, 29-ноябрда аталган мекеменин маалымат кызматынан билдиришти.

Маалыматка ылайык, Ош шаарындагы Г.Айтиев, 16А көчөсүндө жайгашкан 2 кабаттуу тамактануучу жайдын имаратынын курулушу соттун чечиминин негизинде мыйзамсыз деп табылып, буздуруу иш-чаралары жүргүзүлдү.

"Курулушту тартипке келтирүүнү директор Нурдан Орунтаев жеке өзү көзөмөлдөдү. Андан сырткары, ар бир курулуш же имаратты пайдалануу мыйзам талаасында гана жүргүзүлөрүн эскертти", - деп айтылат маалыматта.