Түркия Кыргызстандын бир жаранына пенсия чектеди

Келишимдин алкагында Түркия мамлекети Кыргызстандын бир жаранына пенсия чектеди. Бул тууралуу бүгүн, 30-ноябрда өлкөнүн Социалдык фондунан билдиришти.

Маалыматка ылайык, 2020-жылдан тартып Кыргыз өкмөтү менен Түркия өкмөтүнүн ортосундагы социалдык камсыздоо жөнүндө келишим күчүнө кирген.

"Келишимдин негизинде, азыркы күндө түрк тараптан иш стажы жөнүндө 190 суроо-талап жиберилген, 186 суроо-талап иштелип чыкты жана аларга тиешелүү жооптор берилди", - деп айтылат билдирүүдө.

Эске салсак, Түркияда иштеген Кыргызстандын жарандары келечекте пенсияга чыга алышат.

Автор: Арууке Амирдинова