Бишкекте автоунаа уурдоого шектелип 19 жаштагы жигит кармалды

Бишкекте автоунаа уурдоого шектүү катары 19 жаштагы жаран кармалды. Бул тууралуу бүгүн, 4-декабрда Октябрь РИИБинен билдирди.

Маалыматка ылайык, 3-декабрда милицияга М.К. аттуу жаран кайрылган. Жабырлануучу ошол эле күнү саат 11:30 чамасында Хонда Степвагон үлгүсүндөгү унаасын уурдатып жибергенин айткан.

Бул факты боюнча Кылмыш-жаза кодексинин 211-беренесине (Автотранспорт каражатын басып алуу) ылайык кылмыш иши козголгон.

Шектүү катары 2004-жылы туулган М.Д. аттуу жаран кармалып, убактылуу кармоочу жайга киргизилди.

Учурда шектүүнүн башка кылмыштарга катыштыгы бар экендигин аныктоо боюнча иштер жүрүүдө.

Автор: Кылымбек Бейшеев