Ысык-Көл облусунун Түп районуна караштуу Миң-Булак айылындагы Касмалиев атындагы мектептин жаңы имаратына капсула салуу аземи болуп өттү.
Парламенттин басма сөз кызматынан билдиргендей, 150 орундуу жаңы мектеп “Ас-Салам” кайрымдуулук фондунун каржылоосу менен башталды.
"Бул айылдагы эски мектеп бала бакчага ылайыкталып, 1986-жылы курулган имарат болчу. Мектеп имараты спорт залы менен заманбап типте курулуп, кийинки жылы колдонууга берилери күтүлүүдө", - деп айтылат маалыматта.