Ош мэриясында кадрдык өзгөрүүлөр болду

Максатбек Орозалиев Ош шаарынын мэриясынын муниципалдык менчик башкармалыгынын башчысынын орун басары болуп дайындалды. Тиешелүү буйрукка мэр Бакытбек Жетигенов кол койду. Бул тууралуу бүгүн, 5-декабрда Ош мэриясынан билдиришти.

Маалым болгондой, жаңы орун басар буга чейин Ош шаардык социалдык коргоо башкармалыгынын башкы адиси, Ош шаарынын мэриясынын социалдык өнүгүү бөлүмүнүн жетектөөчү адиси, Ош шаарынын мэриясынын тышкы байланыштар жана аналитика башкармалыгынын тышкы байланыштар бөлүмүнүн башкы адиси, башчысы болуп иштеген.

Ошондой эле ал муниципалдык кызматтын 3-класстагы инспектору.

Автор: Айзада Кыдырмышева