Искусство университети аспирантурага кабыл алуу жарыялады

Б.Бейшеналиева атындагы Кыргыз мамлекеттик маданият жана искусство университети “Музыкалык искусство”, “Маданияттын тарыхы жана теориясы” адистиктери боюнча аспирантурага кабыл алууну жарыялайт. Бул тууралуу бүгүн, 7-декабрда аталган окуу жайдан билдиришти.

Маалыматка ылайык, төмөндөгү документтер талап кылынат:

- Арыз;
- Өздүк баракча;
- Өмүр баян;
- Мүнөздөмө (жолдомо);
- Сүрөт (3х4) 3 даана;
- ЖОЖду бүткөндүгү тууралуу дипломдун көчүрмөсү, (нотариустан тастыкталган);
- Илимий изилдөө иштери боюнча маалымат;
- Илимий жетекчисинин макулдугу жана кафедра отурумунун протоколунун көчүрмөсү;
- Эмгек китепчесинин көчүрмөсү;
- Паспортунун көчүрмөсү;
- Бардык иш кагаздар пластикалык дискте берилет (флешка).

"Документтер 2023-жылдын 11-декабрынан 22-декабрына чейин кабыл алынат.

Биздин дарек: Бишкек шаары, К.Жантөшев көчөсү 113. Байланыш телефондор: Аспирантура бөлүмү: 51- 08-36 , 0708 71-59-03",-деп айтылат маалыматта.