Ош. Шаарда "Рубик кубигин" чогултуу боюнча мелдеш өттү

14-декабрда Ош шаарында алгач ирет окуучулар арасында "Рубик кубигин" тез чогултуу боюнча шаардык чемпионат болуп өттү. Иш-чарага жүздөн ашуун окуучулар катышты. Мелдештин жыйынтыгында шаардагы Макаренко орто мектебинин окуучусу Файзулло Рахманбердиев аталган кубикти 38 секундда чогултуп, жеңишке жетишкен.

Аталган мелдеш “Youth of Osh” коомдук бирикмеси тарабынан “Сорос -Кыргызстан” фондунун каржылоосунда ишке ашырылды. Мелдешти уюштуруунун максаты - жаштар арасында "Рубик кубигин" өнүктүрүү жана окуучулардын интеллектуалдык деңгээлин жогорулатуу.

Автор: Элира Чынтемир кызы