Астанада кыргыз эпосунун баатыры Манастын эстелиги 2024-жылы президент Садыр Жапаровдун катышуусунда ачылат. Бул тууралуу бүгүн, 11-декабрда Маданият, маалымат, спорт жана жаштар саясаты министри Алтынбек Максутов маалымат жыйынында билдирди.
"Астанада айкөл Манастын эстелиги орнотулуп бүткөн. Бирок ачылуу аземи кийинки жылы биздин мамлекеттик башчыбыздын катышуусунда болот", - деп билдирди министр.
Белгилей кетсек, эстеликти орнотуу боюнча макулдашуу Кыргызстан менен Казакстандын ортосундагы 2020-2023-жылдарга кызматташтык боюнча координациялык пландын алкагында жетишилген.