Жалал-Абадда дагы бир сойкулук менен алектенген кыз кармалды

Жалал-Абад облустук милициясы сойкулук менен алектенген дагы бир кызды аныктады. Бул тууралуу бүгүн, 11-декабрда Жалал-Абад ОИИБден билдиришти.

Маалыматка караганда, Кылмыш-жаза кодексинин 160-беренеси (Сойкулукка жана ыпластыкка көмөктөшүү) менен кылмыш иши катталган.

"Жалал-Абад облусунда жүрүп жаткан “Притон” операциясы учурунда Жалал-Абад ОИИБдин Тергөө жана Экстремизмге, мыйзамсыз миграцияга каршы аракеттенүү кызматынын кызматкерлери тарабынан Жалал-Абад шаарындагы мейманканалардын биринде Сузак районунун тургуну 1989-жылы туулган А.Д. аттуу кыз сойкулук менен алектенип жүргөндүгү аныкталып, тергөөгө камсыз кылынды", - деп айтылат маалыматта.

Учурда тергөө амалдары жүрүүдө.

Автор: Айзада Кыдырмышева