"Арал", "Сосновка" постторунда оор жүк ташуучу унааларга болгон чектөөлөр алынды

Бүгүн, 13-декабрь Ош – Бишкек жолундагы "Арал", “Сосновка” постторунда оор жүк ташуучу унаалардын бардык түрүнө киргизилген чектөөлөр алынды. Бул тууралуу ӨКМдан билдиришти.

Маалыматка ылайык, кечээ, 12-декабрда Чүй облусунун Жайыл районундагы "Сосновка" жана Жалал-Абад облусунун Токтогул районундагы "Арал" постунда оор жүк ташуучу унаалардын бардык түрүнө чектөө киргизилген.

Тактап айтканда, чектөө Бишкек – Ош унаа жолунда кар жаап, жол тайгак болгонуна байланыштуу кырсыктардын алдын алуу, жарандардын кырсыкка кабылуусуна жол бербөө жана жол тыгындарын болтурбоо максатында киргизилген.

Автор: Айзада Кыдырмышева