Стамбулда залкар жазуучу Чыңгыз Айтматовдун 95 жылдыгына арналган эскерүү иш-чарасы өттү. Бул тууралуу Кыргызстандын Стамбулдагы башкы консулдугунан билдиришти.
Маалыматка ылайык, иш-чаранын жүрүшүндө кыргыз студенттер концерттик программа уюштуруп, улуттук бийлерден аткарып, дүйнөлүк классикага айланган чыгармаларынан үзүндү тартуулашты.
Эскерүү кечесин башкы консулдук Стамбул шаарында жашаган кыргызстандык студенттер жана жарандар менен биргеликте уюштурду.