Бишкекте кыз ала качууга шектүүлөр кармалды

Бишкекте кыз ала качууга аракет кылгандар кармалды. Бул тууралуу бүгүн, 18-декабрда Биринчи Май РИИБинен билдирди.

Маалыматка ылайык, 14-декабрда милицияга калаа тургуну арыз менен кайрылган. Ал Чыңгыз Айтматов проспектиси менен Горький көчөлөрүнүн кесилишинен бир нече жигит кызды күч колдонуп, унаага салып кетишкенин билдирген.

Мындан улам аларга Кылмыш-жаза кодексинин 172-беренеси (никеге туруу максатында ала качуу) боюнча кылмыш иши козголгон.

Жыйынтыгында милиция кызматкерлери тарабынан аталган кылмышка шектелип 1999-жылы туулган Н.Э, Т.А, С.М жана Т.К аттуу жарандар кармалып, Бишкек ШИИБдин убактылуу кармоочу жайына киргизилди.

Учурда тергөө иштери жүрүүдө.

Автор: Арууке Амирдинова