Чоң-Алайда мектеп окуучулары жол кырсыкка кабылып, экөө жеринде каза тапты

Ош облусунун Чоң-Алай районунда жол кырсыгы катталып, эки мектеп окуучусу каза тапты. Бул тууралуу SUPER.KG порталына бүгүн, 18-декабрда облустук жол кыймылынын коопсуздугун камсыздоо башкармалыгынан (ЖКККБ) билдирди.

Маалыматка ылайык, кырсык 16-декабрдын кечинде Сары-Таш - Карамык унаа жолунда катталган. Айдоочу катуу ылдамдыкта келе жатып, рулду башкара албай жолдон чыгып кеткен.

Унаанын ичинде 2008-жылы туулган 10-класстын үч окуучусу болгон. Жеринде экөө мүрт кетип, бирөө оор абалда ооруканага жеткирилген. Ал учурда жандандыруу бөлүмүндө.

Жол инспекторлору ата-энелерди балдарына унаасын бербөөгө чакырды. Ошондой эле айдоочуларга жолдор тайгак кезде катуу айдабай, аралыкты сактап, кооптуу бурулуштарда этияттап жүрүү керектигин эскертет.

Автор: Бек Оморбеков