Бишкектин Каражыгач сейил багында жаңы балдар аянтчасы пайда болду

Бишкектин Свердлов районунда Каражыгач токою паркынын аймагында жаңы балдар аянтчасы курулду. Бул тууралуу бүгүн, 18-декабрда Бишкек мэриясынан билдиришти.

Маалыматка ылайык, уюштурууну Бишкек шаардык кеңешинин депутаты Эльмир Досалиев колдоого алды.

"Парктын эң жаш коноктору үчүн оюн аянтчасы турниктерден жана селкинчектерден турат. Ошондой эле ата-энелердин ыңгайлуулугу үчүн отургучтар жана таштанды челектери менен жабдылган. Эски аянтча демонтаждалган",-деп айтылат маалыматта.

Белгилей кетсек, токойдун аймагында жарандардын ыңгайлуулугу үчүн таштанды челектерин бошотуу, тротуарларды жана жолдорду кардан тазалоо, майда жана авариялык бутактарды бутоо иштери күн сайын жүргүзүлүүдө.

Автор: Айзада Кыдырмышева