Зоопаркка өткөрүлүп берилди. Ысык-Көлдө тургун бөлтүрүк багып жүргөн

Ак-Сууда жергиликтүү тургундун үйүнөн бөлтүрүк табылып, зоопаркка өткөрүлүп берилди. Бул тууралуу Ысык-Көл ОИИБ билдирди.

Маалыматка ылайык, облустук милицияга Ак-Суу районунун тургуну үйүндө карышкыр багып жаткандыгы тууралуу маалымат келип түшкөн.

Текшерүү учурунда Челпек айылынын 29 жаштагы тургуну А.Э.нин короосунан 5 айлык карышкырдын бөлтүрүгү табылган. Табылган жырткыч Каракол шаарынын зоопаркына өткөрүлүп берилди.

Бул факты райондук милицияга катталып, жапайы жаныбардын жергиликтүү тургундун үйүндө кандайча пайда болгондугу такталууда.

Автор: Кылымбек Бейшеев
Фото: Ысык-Көл ОИИБ