"13 күндөн бери дайынсыз". Ноокатта өспүрүм изделүүдө

Оштун Ноокат районунда 13 күндөн бери дайынсыз болгон өспүрүм изделүүдө. Бул тууралуу Өзгөчө кырдаалдар министрлигинин маалымат кызматынан билдиришти.

Маалымдалгандай, ушул жылдын 8-декабрында Гулистан айылынын 15 жаштагы Р.Э. аттуу өспүрүм үйүнөн чыгып кеткен бойдон кайтып келген эмес. Аны акыркы жолу Жаңы-Ноокат айылынын Сапарбай каналынын жээгинен көрүшкөн.

Кечээ, 20-декабрда жерине издөө иштерин улантуу максатында 4 куткаруучу тартылып, кеч киргендигине байланыштуу издөө токтотулган. Натыйжа болбогонуна байланыштуу издөө иштери бүгүн, 21-декабрда да уланып жатат.

Автор: Максуда Кудайбердиева