Министр: "Өлкөнү кумшекер менен камсыздоо үчүн кант кызылчасынын аянтын 17 000 гектарга жеткирүү керек"

Өлкөнү кант менен камсыздоо үчүн кант кызылчасынын аянтын 17 000 гектарга жеткирүү керек. Бул тууралуу бүгүн, 21-декабрда айыл чарба министри Аскарбек Жаныбеков маалымат жыйынында билдирди.

Анда министр кант кызылчасын өндүрүү боюнча өлкөдө 2 ишкана иштеп жатканын белгилеп, өлкөнү толук камсыздоо үчүн кан кызылчасынын аянтын 17 000 гектарга жеткирүү керек деди.

"Кант кызылчасы былтыр 9 300 гектарга эгилсе, быйыл 13 000 гектар аянтка айдалган", - дейт министр.

Ошондой эле ал аталган иштер боюнча пландар бар экенин айтып, Талас облусундагы дыйкандар кызылча аянтын көбөйтүүгө кызыкдар болуп турганын белгиледи.