Улуттук банк "Конституцияга 30 жыл" жана "Бешикке салуу" коллекциялык тыйындарын чыгарды

Улуттук банк бүгүн, 22-декабрдан тартып "Кыргыз Республикасынын Конституциясына – 30 жыл" жана "Бешикке салуу" коллекциялык монеталары жүгүртүүгө чыгарылганын билдирди.

Маалыматка ылайык, "Кыргыз Республикасынын Конституциясына – 30 жыл" коллекциялык монетасы 5 сомду түзүп, Баш мыйзамдын кабыл алынышынын 30 жылдыгына арналып чыгарылган.

Ал эми "Бешикке салуу" коллекциялык монетасы 10 сомдук номинал катары Кыргызстандын тарыхын, маданиятын таанытуу, ошондой эле кыргыз элинин улуттук салттарын жандандыруу максатында чыгарылган.

Автор: Кылымбек Бейшеев
Фото: Улуттук банк