Диего Марадона “Алтын топ” байгесин Месси эмес, Роналду алуусу керектигин билдирди

"Алтын топ" байгесине талапкер 3 футболчу: аргентиналык Лионель Месси, франциялык Франк Рибери жана португалиялык Криштиану Роналду.

Легендарлуу аргентиналык футболчу Диего Марадона 2013-жылдын “Алтын топ” байгесин анын мекендеши Лионель Месси эмес, португалиялык Криштиану Роналду алуусу керек экенин билдирди. Бул тууралуу 17-декабрда европалык басылмалар жазып чыгышты.

Маалыматка ылайык, Марадонанын пикири боюнча Лионель Месси 2013-жылы жаракаттардын көп катталганынан улам өз оюнун көргөзө алган жок.

Эске салсак, 6-декабрда “Алтын топ” байгесине негизги 3 талапкердин ысымы аталып, алдынкы үчтүккө добуштардын негизинде франциялык Франк Рибери, португалиялык Криштиану Роналду жана аргентиналык Лионель Мессинин ысымы киргизилген. Сыйлык ээси 2014-жылдын январь айында белгилүү болот.

Автор: Максат Кудайбердиев