Кыргыз балбандары Орусияда өткөн мелдеште 7 медалга ээ болушту

Кыргызстандык балбандар Орусияда өткөн эл аралык турнирде 7 медаль утушту. Бул тууралуу бүгүн, 26-декабрда Бишкек шаарынын мэриясынан кабарлады.

Маалыматка ылайык, Анатолий Тарасовдун жаркын элесине арналган грек-рим күрөшү боюнча эл аралык турнирге Бишкектеги Раатбек Санатбаев атындагы олимпиадалык резервдеги адистештирилген балдар-өспүрүмдөр мектебинин тарбиялануучулары катышып, 7 медалга ээ болушкан.

Ийгилик жараткан спортчулар:

63 килограмм салмакта Сабит Шамшединов - алтын;

130 килограмм салмакта Рустам Садыков - алтын;

55 килограмм салмакта Смадияр Жумакадыров - күмүш;

97 килограмм салмакта Нарту Абдурахманов - күмүш;

67 килограмм салмакта Чолпонбек уулу Сыймык - коло;

67 килограмм салмакта Динмухамед Бегелдиев - коло;

72 килограмм салмакта Сүймөнкул Икрамов - коло.

Турнир 21-декабрдан 23-декабрга чейин Орусиянын Нижний Тагил шаарында өткөн.