Акылбек Жапаров 103 кызматкерге Ардак грамота тапшырды

Бүгүн, 26-декабрда Акылбек Жапаров Министрлер кабинетинин Ардак грамоталарын жана алкыш каттарын тапшыруу аземине катышты.

Өкмөттүн басма сөз кызматынан билдиргендей, өлкөнүн социалдык-экономикалык жана интеллектуалдык потенциалын өнүктүрүүгө кошкон олуттуу салымы, кесиптик ишиндеги чоң жетишкендиктери үчүн 103 адам Министрлер кабинетинин Ардак грамотасы менен сыйланса, 43 адамга министрлер кабинетинин төрагасынын атынан алкыш жарыяланды.

Өкмөт башчы иш-чаранын катышуучуларын алган сыйлыктары жана келе жаткан жаңы жылдык майрамы менен куттуктады.

Автор: Бек Оморбеков
Фото: Министрлер кабинетинин басма сөз кызматы