Өзгөчө кырдаалдар министрлиги кыргызстандыктарга кайрылуу жасады

27-декабрынан 30-декабрына чейин күтүлүп жаткан жаан чачынга байланыштуу, Кыргызстандын тоолуу райондорунда кар көчкү түшүүcү жана кар күрткүсү күтүлөт. Бул тууралуу Өзгөчө кырдаалдар министрлиги билдирди.

Алар: Бишкек—Ош унаа жолунун

121-138-чакырымдарында Төө-Ашуу ашуусу;

198-255-чакырымдарында Чычкан капчыгайы, Ала-Бел ашуусу;

Мырза-Аке—Кара-Кулжа—Алайкуу унаа жолунун 45-115-чакырымдары.

"Жолдор тайгак болуп, муз тоңот. Унаалардын ортосундагы 500 метр аралык кыймыл чектелиши зарыл.

УРМАТТУУ АЙДООЧУ! Жол коопсуздук эрежелерин так сактаңыз. Алыскы жолго чыгууда күрөк, дөңгөлөк чынжырын, дары-дармек, ысык суу жана азык алууну унутпаңыз", - деп жазылат билдирүүдө.

Кырсык катталганда же унаа жолдорундагы абалды билүү үчүн 112 номерине байланышыңыз.

Автор: Азат Бейшенбеков