Бишкекте чет элдик жаран 1 миллион сомун юанга алмаштырмак болуп уурдаткан. Шектүү кармалды

Бишкекте алдамчылыкка шектүү кармалды. Бул тууралуу бүгүн, 27-декабрда Ленин РИИБинен билдирди.

Маалыматка ылайык, 26-декабрда милицияга Ж.Ч. аттуу чет өлкөнүн жараны арыз менен кайрылган. Ал чала таанышы ушул эле жылдын 3- ноябрында ишеничине кирип 1 миллион 10 миң сомун юаньга алмаштырып берүүнү убадалап, кайтарып бербестен белгисиз тарапка качып кеткенин айткан.

Бул факты боюнча Кылмыш-жаза кодексинин 209-беренесине (Алдамчылык) ылайык кылмыш иши козголгон.

Кылмышка шектүү катары 1993-жылы туулган Т.Ж. аттуу жаран кармалып, Бишкек ШИИББнин убактылуу кармоочу жайына киргизилген.

Азыркы учурда тергөө иштери уланууда.

Автор: Кылымбек Бейшеев
Фото: Ленин РИИБ