Эми Бишкекте атайын тилкеде бардык автотранспорт жүрө алат. График бекиди

Эми унааларга белгилүү бир убакытта атайын тилкеде жүрүүгө уруксат берилет. Бул тууралуу Бишкек шаарынын мэриясы кабарлады.

Маалыматка ылайык, бүгүн, 27-декабрдан тартып Бишкек шаарында менчигинин түрүнө карабастан автотранспорт ээлерине коомдук транспорт үчүн бөлүнгөн тилкеде жүрүүгө уруксат берилет.

Атайын сары тилке менен кыш мезгилинде - саат 20:00дөн 8:00гө чейин, калган мезгилде - 21:00дөн 7:00гө чейин жүрүүгө болот.

Мэрия айдоочуларды шаардын жолдорунда коопсуздукту жана ыңгайлуулукту камсыз кылуу максатында жаңы киргизилген убактылуу чектөөлөрдү сактоого чакырат.

Автор: Кылымбек Бейшеев